BHP 2018

De 15te September huet d'CCC Dackelkommissioun eng Begleithundeprüfung fir Dackelen organiséiert.
Moies frei gouf sech zu Bech um Haff vun der Famill Steffes afonnt. No der Begréissung duerch de Prüfungsleiter Jacques Petit, huet hien d'Wuert un d'Riichterin Claudia Schölpert (D) weiderginn. No enger kuerzer Erklärung sinn dunn d'Pabeieren agezu gi, souwéi d'Impfungen an d'Chipkontroll duerch eise Veterinär Marc Diederich an d'Riichterin iwwerpréift ginn. Duerno konnt et dunn direkt weider op den Terrain goen, wou mir mat der BHP 1 ugefaangen hunn. Hei goufen nieft der Leinenführegkeet, dem Folgen frei Fuß, dem Eraruffen, dem Ofleeën och d'Verhale bei Geräischer, d'Sozialverträglechkeet vis-à-vis vun Honn a Leit, souwéi och d'Behuelen am Stroosseverkéier gepréift. 8 Honn ware fir den éischten Deel gemellt, vun deenen der 7 dësen Deel bestoe konnten.

Fir den zweeten Deel ware 7 Honn gemellt. Hei gëtt d'Ofleeë virun engem Gebai mat Oflenkung duerch en Hond, en Jogger an e Vëlo gepréift. Am Uschloss och nach d'Führersuche. An dësem Deel konnte 4 Honn bestoen.

Den drëtten Deel besteet aus enger klenger Waasseraarbecht. Fir dësen Deel si 5 Honn ugetrueden a 2 konnte bestoen. Een Hond konnt di dräi Deeler bestoen a krut domadder d'Leeschtungszeechen BHP G unerkannt! Gratulatioun hei un d'Tagessiegerin Valérie Zumpf! Och hate mir e ganz jonken Teilnehmer: de Laurent Steffes huet sech mat sengem Vesta dëser Prüfung gestalt an huet d'BHP 1 als eenzege komplett fräi absolvéiert!

Nodeems de ganze Stress dunn eriwwer war, si mir op Gréivemaacher op de Camping gefuer. Bei allerbeschter Laun gouf giess, op den Dag zeréckgebléckt an d'Diplomer iwwerginn. E grousse Merci geet un eis Riichterin, d'Claudia Schölpert fir dat fairt Riichten an hier berouegend Wierder, eisen Helfer, dem Georges Kugener an dem Marc Diederich, dem Carole Pleimling fir zu Verfügungstelle vum Terrain an dem Claude Zanter fir di flott Foto'en!

BHP 1
Hond	Führer	Punkten	Präis
Staier's Vesta	Laurent Steffes	92	II
Lux vom Theeltal	Marianne Jacobs	88	I
Notre Belle von der Lucilinenburg	Martina Ziegler	81	II
Marrony von der Lucilinenburg	Ute Hübner	86	II
Hummel-Dream vom Zeldenrüst	Carole Pleimling	83	II
Numéa de la Vallée de l'Eau Bourde	François Blanche	78	II
BHP 2
Phoebe vun der décker Lann	Mathew Reis	40	I
Marrony von der Lucilinenburg	Ute Hübner	40	I
Numéa de la Vallée de l'Eau Bourde	François Blanche	35	II
BHP 3
Notre Belle von der Lucilinenburg	Martina Ziegler	40	I
BHP G
Karamel von der Lucilinenburg	Valerie Zumpf	168	I